ЗА ПРОЕКТОТ
Проектот EWI – Економско вклучување и правда за жените од Западен Балкан, којшто е имплементиран од CARE Balkans во соработка со партнерите: ENECA (Србија), LINK (БиХ), Консалтинг за стратешки развој (Северна Македонија) и Tehnopolis (Црна Гора), со финансиска поддршка на Австриската агенција за развој (ADA), има цел да ги зајакне и оствари економските права на жените во регионот преку:
- Развој и унапредување на одржливи бизниси водени од жени;
- Зголемување на вработливоста на жените преку стручни обуки;
- Унапредување на институционалните и општествените услови за женско претприемништво;
- Јакнење на капацитетите на локалните чинители за родово-сензитивни политики.
ЦЕЛ НА ПОВИКОТ
Во рамките на овој повикот ќе биде обезбедена грантова поддршка во вид на набавка на опрема и услуги во вредност до 10.000 EUR за два (2) правни субјекти коишто работат согласно принципите на социјалното претприемништво и коишто се водени од жени.
Целта на повикот е зајакнување на капацитетите и одржливоста на избраните социјални претпријатија, како и нивниот придонес кон вработувањето, социјалната инклузија и одржливиот развој на локалните заедници.
КОЈ МОЖЕ ДА СЕ ПРИЈАВИ?
Повикот е отворен за сите регистрирани правни лица основани согласно закон кои се запишани во трговскиот регистар и регистарот на други правни лица што ги води Централниот регистар на Република Северна Македонија, коишто работат на територијата на Република Северна Македонија и ги исполнуваат следните критериуми за социјално претприемништво:
- Имаат мисија, цел и/или програма за работа за постигнување на позитивно општествено, економско и/или еколошко влијание, особено преку:
- Заштита на животната средина,
- Поддршка на локалниот социо-економски развој,
- Вработување/поддршка на жени од ранливи групи (долгорочно невработени жени, жени со попреченост, жени од рурални средини, самохрани мајки, припаднички на малцински етнички заедници).
- Имаат јасно дефинирана идеја и план за унапредување на своето работење и општествено делување.
- Водени/управувани се од страна на жени или жени се мнозински сопственички.
- Вршат постојани економски активности за остварување на мисијата и во последните 12 месеци имаат докажано активно работење.
- Остварената добивка од економските активности ја користат за остварување на утврдените цели (за постигнување на позитивно, општествено, економско и/или еколошко влијание).
- Средствата и имотот не ги распределуваат помеѓу членовите, основачите, правните застапници, членовите на органите на управување, вработените како и со нив поврзаните лица.
- Во процесот на работењето ги консултираат вработените, волонтерите и корисниците на социјалното претпријатие.
- Работат транспарентно и отчетно во исполнувањето на својата општествена, економска или еколошка цел (јавно ги објавуваат годишните извештаи за програмското и финансиското работење/годишната сметка/финансискиот извештај/постигнувањата).
- Имаат независно управување за определување и остварување на целите и дејностите, кое не е контролирано од страна на органите на државната управа, општините, општините во градот Скопје и градот Скопје или од други профитни субјекти.
ВИДОВИ НА ПОДДРШКА
Во рамките на овој повик, ќе бидат доделени следниве видови на поддршка:
- Два (2) гранта со поединечна вредност до 10.000 EUR за набавка на опрема и услуги коишто се неопходни за развој и унапредување на социјалното претпријатие. За вредноста на грантот може да се набави само опрема (100% од грантот) или опрема и услуги (80% од износот на грантот за набавка на опрема и до 20% од вредноста на грантот за набавка на услуги).
- Менторска поддршка за развој и унапредување на социјалното претпријатие (финансиско планирање, маркетинг, мерење на општественото влијание и сл.)
- Промоција и вмрежување во рамки на проектот.
Преку проектот нема да се набавува ниту доделува: половна опрема, суровини (вклучително биолошки материјал), репроматеријали, ниту опрема за трговски објекти-продавници (освен во случај тие да претставуваат интегрален дел од производниот или услужниот социјален бизнис).
ПОТРЕБНА ДОКУМЕНТАЦИЈА
- Уредно пополнета и потпишана пријава/формулар (Прилог 1)
- Изјава за исполнување на критериумите за социјално претприемништво (Прилог 2), пополнета на меморандумот на правното лице
- Јасно дефинирана идеја и план за унапредување на деловното и општествено работење на социјалното претпријатие со поддршка од грантот (наведени во пријавниот формулар)
- Решение за регистрација на правното лице
- Статут или акт за основање
- Завршна сметка за 2024 (Биланс на состојба и Биланс на успех).
НАЧИН И РОК ЗА ПРИЈАВУВАЊЕ
Пријавата/формуларот заедно со придружната документација (вклучително и планот за унапредување) потребно е да се пополни и достави најдоцна до 19 декември 2025 година до 17.00 часот по електронски пат на електронската адреса: contact@sdc.com.mk со наслов: „Пријава за програмата за поддршка на социјалното претприемништво“.
ЕВАЛУАЦИЈА И ИЗБОР НА ГРАНТИСТИ
Евалуацијата и изборот на грантисти ќе ги врши евалуациска комисија врз основа на следниве критериуми:
- Степен на ускладеност со принципите на социјалното претприемништво.
- Одржливост и општествено влијание на предложеното унапредување на работењето на претпријатието.
- Капацитет за реализација.
Пред носење на одлуката за избор, членови на Комисијата имаат право да посетат или да интервјуираат претставници на социјалните претпријатија кои влегле во потесен избор.
ИНФОРМАЦИИ И ПРАШАЊА
Одговори на евентуални прашања и дополнителни информации може да се добијат по емаил на: contact@sdc.com.mk или со повик на следните телефонски броеви: 070 33 55 13, 071 266 350.
